LAOAG CITY – Nagun-od ti Rubber Industry ti Pilipinas ti ad-adu a suporta kalpasan ti panagkumit ti Department of Agriculture (DA) a mangparang-ay iti produksionna.
Segun iti Department of Agriculture, ag-export ti pagilian kadagiti goma ken rubber-products ngem bimmassit daytoy idi tawen 2022 no sadinno dimmanon laeng iti $278.2 million ti export ti pagilian no idasig iti rubber export idi 2021 a dimmanon iti $578.3 million.
Inbatad tiahensia a dakkel a karit daytoy no kasano a maisubli ti nangato a produksion ti pagilian ken no kasano a madoble wenno mapaadu ti produksion ti goma.
Kabayatanna, kasapulan a mabayabayan dagiti rubber farmers tapno masigurado a saan a matay ti industria ti goma iti pagilian, ken tapno mapaadu ti produksion para iti domestic ken international consumption.
