LAOAG CITY – Inpetteng ni Russian foreign minister Sergei Lavrov nga awan ti intensyon ti pagilian da a mangatake ti European Union wenno NATO member states, ngem nagballaag ti “decisive response” iti aniaman nga “aggression” a naiturong iti Moscow.
Iti panagbitla ni Lavrov iti United Nation General Assembly, inpalgak na a dagiti pangta kontra iti Russia babaen kadagiti pagilian iti Western ket ad-adda pay a naipagagangay laengen.
Nadakamat na pay ti Israel a kabayatan ti panangkondernar ti Russia iti panagatake ti Hamas idi Oktubre 7 idi 2023 ket awan pulos ti justification ti pagilian para iti brutak a pannakapapatay dagiti Palestino iti Gaza wenno aniaman a plano tapno pagtipunen ti West Bank.
Immunan nga inrakurak ti Israel a kasapulan da ti mangipatungpal ti operasyon iti Gaza tapno maparmek ti Hamas.
Maipalagip nga umabot iti 65,926 a tattao ti natay babaen ti Israeli strikes, maibasar iti Hamas-run health ministry idinto 1,200 a tattao ti natay ken 251 a sabsabali ti nahostage kabayatan ti October 7 attacks.
