LAOAG CITY – Binabalaw ti Russia ti Ukraine nga isuda ti adda iti likudan ti pannakaarinebneb ti tanker-da iti Mediterranean Sea nga asideg iti Libya.
Inbatad ti Libyan Maritime Authority a nakangngegda ti napigsa a panagbettak ken dakkel nga uram iti Arctic Metagaz.
Ti Russian-flagged tanker ket adda ti kargana a 61 a ribu a tonelada ti liquefied natural gas ken daytoy ket naan-anay a naarinebneb iti baybay.
Kunana nga amin a 30 crew members a nakalugan ti barko ket naisalakan.
Inawagan met ni Russian President Vladimir Putin ti insidente kas “Terror attack” manipud iti mapagat-atapan a drones ti Ukraine.
