LAOAG CITY – Inakusaran ti Russia ti Estados Unidos nga ad-adda laeng ti panangdegdegna ti giyera da iti Ukraine.
Daytoy ket kalpasan nga immanugot ni US President Joe Biden nga usarenen ti Ukraine dagiti inpaay da a missiles kontra iti Russia.
Segun ken ni Kremlin spokesman Dmitry Peskov, ti nasao nga addang ti Estados Unidos ket mangipakita ti direkta a karaman I Estados Unidos iti laban da iti Ukraine.
Maipalagip a nabayagen a kiniddaw ti Ukraine nga usaren da ti inpaay ti Estados Unidos nga Army Tactical Missile System.
Ti nasao a missile system ket saan a basta malapdan ti aniaman a klase ti missile.
