LAOAG CITY – Inrakurak ti Russian Security Service a nakabaluden ti agtawen ti 29 a lalaki manipod iti Uzbekistan gapu iti pannakatay ni senior general Igor Kirillov ken ti assistant na iti Moscow.
Ni Lt. Gen. Igor Kirillov ti mangidadaulo ti Radiation, Chemical and Biological Protection Forces.
Immuna iti daytoy, kabayatan nga adda iti ruwar ti residential block ti nasao nga opisyal ket bimtak ti bomba a naikabil iti scooter.
Basar iti Russian security service, ti saan a nainaganan a suspek ket rinecruit ti Ukrainian intelligence.
Mainaig iti daytoy, kinumpirmaran metten ti Ukraine security service nga isuda ti adda iti likudan ti nasao a pasamak.
