LAOAG CITY – Inbatad ni President Vladimir Putin a nakasagana ti Russia tapno magun-od ti gagem na no saan nga umanamong ti Ukraine iti katulagan.
Rakurak na daytoy idi nagatendar iti military parade idiay China ken daytoy ket arig na panangkarit na kenni US President Donald Trump ken iti US-dominated world order.
Ummunan a gutgutiguten ni Trump ni Putin a lippasen ti gubat ngem arig na saan pay a nalpas ti Russia iti kalikagom da nga ipatungpal.
Mainaig iti daytoy, inbatad ni Putin a nakasagana met a makasarita iti personal ni Ukrainian President Volodymyr Zelensky.
Inpetteng na nga awaten ti Moscow ni Zelensky no kayat a ti bumisita para iti panagsarita da.
Inlawalwag na a saan na a balewalaen ti posible a panagsarita da iti Ukraine President ngem ti kweskwestyunaran na ket no anya ti punto iti taripnong.
Nagtaripnong ni Trump ken Putin ken inlungalong ti US President a rumbeng nga agsarita met dagiti dua a lider.
Maipalagip nga inpatungpal ti Russia ti full-scale invasion na iti Ukraine idi February 2022.
