LAOAG CITY – Nangiwayat ti Russia ti aerial attack kontra iti Ukraine.
Basar iti Ukraine military a dumanon iti 537 nga aerial weapons ti inrubuat ti Russia kontra kadakuada.
Karaman ditoy ti 477 a drones ken decoys pakairamanan ti 60 missiles.
Iti nasao a bilang ket 249 ti napabagsakda ken 226 met ti napukaw nga electric jammed.
Ibilang ti Ukraine a daytoyen ti kaaduan nga air strike ti Russia sipod idi nangrugi ti rinnupakda iti sumurok tallo a tawen.
Naammoan a karaman kadagiti napabagsak ti fighter jet ti Ukraine idi pinadasda a lappedan daytoy dagiti sumagmamano a drones.
Kabayatanna, nagamak ti Poland isu a nagpatayabda kadagiti fighter jets-da tapno masigurado ti kinatalged ti airspace-da.
