LAOAG CITY – Dinoble ni Russian President Vladimir Putin ti sueldo dagiti mayat nga agboluntario a makigubat idiay Ukraine.
Amin a Russian a nagpirma ti kontrata iti army ket dagus nga umawat iti $4,651 wenno katukag ti nasurok a P255,800.
Iti baro a linteg, makaawat dagiti baro a soldado iti $37,791 wenno katukag iti nasurok a P2-milion.
Pinangatoda pay ti sueldo dagiti army officials tapno ad-adda a situtulokda a makigubat.
Maipalagip nga agtultuloy a paregtaen ti gobierno ti Russia dagiti umili a sumrek iti army.
