LAOAG CITY – Nagun-od ti Russian free diver ti baro a world record iti free dive.
Naaramid ni Alexey Molchanov ti 125 a metro a kauneg ti Mediterranean Sea a naiyuswat iti AIDA Freediving World Championships idiay Ajaccio, Corsica.
Nakipaset daytoy iti Constant Weight Bi-Fins (CWTB) category ken naburakna ti bukudna a rekord idi 2023 ken naartapanna daytoy ti maysa a metro.
Kagiddan daytoy, inrakurak ti Overall Category kadagiti uppat a freediving disciplines a Free Immersion (FIM), Constant Weight (CWT), Constant Weight Without Fins (CNF) ken Constant Weight Bi-Fins (CWTB).
Naala met ni Marianna Gillespie ti overall winner iti women’s competition iti uneg ti tallo a tawen idinto nga iti men’s category ket nagun-od ni Petar Klovar ti Croatia a nakaawid ti gold iti FIM disciplines nga addaan ti 12.7 meter dive ken bronze iti Constant Weight Bi-Fins.
