LAOAG CITY – Plano ni Presidente Vladimir Putin ti Russia ti posibilidad a pannakaiyuswat ti nuclear test.
Daytoy ket kalpasan ti panangipakaammo ni US President Donald Trump a rugianda ti nuclear testing program.
Iti panagbitlana iti Russian Security Council, kuna ni Putin a sumursurot da iti Comprehensive Nuclear-Test-Ban Treaty (CTBT) ken awan ti planoda a manglabsing iti daytoy.
Nupay kasta, no mangiyuswat ti US ken dadduma pay a pagilian a nagpirma iti Comprehensive Nuclear-Test-Ban Treaty iti test, mapilitan met ti Russia a sumungbat.
Kiniddawna kadagiti government ministries ken sumagmamano nga ahensia a nangisubmitir kadagiti naurnos a lungalong para iti posibilidad a panangisayangkat iti nuclear weapons testing.
