LAOAG CITY – Simmangpeten idiay North Korea ni Russian President Vladimir Putin.
Personal a sinarabo isuna ni North Korea leader Kim Jong Un iti panagdissaag ti eroplano daytoy iti erupuerto ti Pyongyang.
Kalpasan iti daytoy, nangisayangkatda ti motorcade ken linikusda iti sumagmamano a paset ti Pyongyang.
Makita iti kalsada ti panangsabat dagiti umili ti North Korea no sadino sumagmamano kadagitoy ket adda ti iggemda a bandera ti Russia.
Naudi a bimmisita ni Putin idiay North Korea ket idi pay laeng tawen 2000.
Kabayatanna, naammoan a kalpasan ti panagbisita ni Putin idiay North Korea kt agturong pay daytoy idiay Vietnam.
