LAOAG CITY – Inpakaammo ni Russian President Vladimir Putin a silulukat isuna ita a lawas para iti peace talk.
Segun ken Putin, rumbeng a ti mapasamak a “peace talk” ket buyogen ti nalawa a panagpanpanunot, ken masapol a matingiting nangruna ti mainaig iti Russian diplomacy.
Maipalagip nga idi Mayo 24 ket adda dagiti sayangguseng maipapan iti negosasion, no sadinno ket inrugi ti Moscow ti maikatlo a panangraut iti Ukraine manipud iti amianan ti Kharkiv, no sadinno nga immanugot ti Moscow a mangikonsiderar ti “peace talk” a mangpatalged iti agdama a panangsakup ti Russia ti sumagmamano a paset ti Ukraine.
Gapu iti daytoy ket inbatad ni Putin a situtulok ti Russia a makisarita seknan ti linak ken urnos, a naibasar kadagiti immun-una a katulagan.
Ngem apaman a naammuan ni Ukraine’s Foreign Minister, Dmytro Kuleba, ti kalikagom no Putin a “peace talks” ket inbatad na a mabalin a sabotahe laeng daytoy iti maiwayat a summit.
Innayon ni Kuleba nga awan ti makitkita na a plano ni Putin nga ilippas ti aggression da kontra Ukraine, no sadinno nga inpettengna a daytoy ti rason no apay a mabuteng ni Putin iti Switzerland summit.
