LAOAG CITY – Inpakaammu ni Russian President Vladimir Putin a manayunan ti bilang dagiti soldado da.
Iti bilin a pinirmaan ni Putin ket mangnayonda iti 180,000 a soldado ken epektibo daytoy inton bulan ti Disiembre.
Gapu iti daytoy, dumanonen iti 2.4 milion ti bilang dagiti military personnel pakairamanan ti 1.5 million a soldado.
Ti nadakamat a kanayonan a bilang dagiti soldado ket kalpasan ti panangraut ti Ukraine idi napan a bulan iti beddeng ti Russia iti rehion ti Kursk.
Maipalagip nga idi Agosto 2022 ket inbilin manen ni Putin ti 137,000 a kanayunan soldado ken idi Disiembre 2023 ket nanayunan manen daytoy iti 170,000 a soldado.
