LAOAG CITY – Inbatad ti UK Defense Secretary a nagusar ti Russian spy ship ti lasers iti kaunaan a gundaway tapno malapdan ti RAF pilots a mang-track iti aktibidad na iti kabaybayan a paset ti United Kingdom.
Ti laser incident ket napasamak kabayatan a ti Yantar ket sinursurot ti Royal Navy frigate ken RAF Poseidon P-8 planes a nakadeploy tapno mang-track iti garaw ti vessel.
Segun kenni John Healey, delikado ti nasao nga addang ken seryosoen daytoy ti gobierno.
Inbatad na a ti barko ket adda iti amianan ti Scotland ken simrek iti kabaybayan a paset ti United Kingdom iti maikadua a gunaway ita a tawen.
Kunana a gapo iti daytoy ket itultuloy latta ti UK ti panangmonitor iti ship ken nakasagana ti “military options” no adda ti sabali nga aramiden dagitoy.
Adda pay ti ballaag na iti Russia ken President Vladimir Putin no sadinno kunana a makitkita da ti ar-aramiden dagitoy ken no itultuloy ti Yantar ti agturong iti abagatan a paset ti teritoryo da ket nakasagana da.
