LAOAG CITY – Inlungalong ti parliamento ti pannakaipataw ti pannusa kadagiti soldado ti Russia a maduktalan nga agus-usar ti cellphone bayat ti pannakiranget da kadagiti soldado ti Ukraine.
Daytoy ket kalpasan nga ado dagiti nakapaneknek a ti electronic devices ket kabaelan na a monitoren ti lokasyon dagiti soldado nga adda iti paggugubatan.
Basar iti nailungalong a gakat a supsuportaran ti State Duma Committee on Defense, ti panagikot ti internet-connected cell phones a ti data na ket kabaelan na nga establisaren ti Russian troops wenno ti lokasyon ti tropa ket maibilang kas “gross disciplinary offense” a mabalin a madusa agingga iti 10 nga aldaw a pannakabalud, ken no multiple offenses ket mabalud agingga iti 15 nga aldaw.
Rumrumuar nga agpada ti Russian ken Ukrainian militaries nga agus-usar ti enemy cell phones tapno madeterminar da ti puntirya da bayat ti gubat.
