LAOAG CITY – Kinondenar ti gobierno ti Rwanda ti nagbalin a desisyon ti Estados Unidos a nangipataw ti financial sanction kontra iti government minister gapu iti maipagarop a nagbalin nga akemna iti riribok iti kaparanget da a Democratic Republic of Congo.
Immunan nga inrakurak ti US Treasury Department, a ni Rwanda Minister of State for Regional Integration James Kabarebe, a dati nga army chief, ti kangrunaan a mangsupsuporta ti M23 rebel group.
Malaksid ken ni Kabarebe ket napatawan pay sanction ni Lawrence Kanyuka, ti pannakangiwat ti M23 rebel pakairamanan ti dua a kompanya a kontrolado na iti Britanya ken France.
Inpetteng ti Rwanda foreign ministry a dagiti sanctions ket saanna a masolbar ti riribok iti Democratic Republic of Congo, no sadinno nga inawagan na dagitoy a saan a nainkalintegan ken unfounded.
