LAOAG CITY – Saan pay a kumpirmado ti rimuar nga impormasyon a ti covid-19 ti rason a maaddaan ti diabetic dagiti nagpositibo iti nasao a virus.
Daytoy ti inlawlawag ni Dr. Liza Marie Paz-Tan, maysa a dermatologist iti Mariano Marcos Memorial Hospital and Medical Center iti ciudad ti Batac kalpasan nga adda ti report a dagiti nagpositibo iti covid-19 ket maipagarop a dakdakkel ti tsansa na a maddaan ti diabetes.
Segun kenni Tan, anyaman a severe infection wenno illness kasta pay ti major surgery ket mabalin nga agresulta ti kaadda ti diabetes.
Inlawlawag na a daytoy ket gapo da iti dayta a panawen ket stress ti bagi nangruna iti infection ket maaddaan ti inflammation wenno panaglitteg.
Gapp iti daytoy, kunana a nalidem pay laeng a ti covid-19 ti rason ti kaadda ti diabetes dagiti indibidual a nakaptan.
Malaksid iti daytoy, inbatad ni Tan dagiti mait-ited nga agas para kadagiti severe covid infection kas iti steroid ket isu ti mangpakibbet iti litteg ngem ti side effects daytoy ket ti panagngato ti blood sugar a maaw-awagan a secondary diabetes.
Nupay kasta, kunana a no mapukawan ti epekto ti agas ket bumaba met ti blood sugar ngem no adda ti dagiti gundaway a no naikkan ti steroid ti datin nga addaan ti diabetes ket arig na ad-adda a matrigger ti sakit.
