LAOAG CITY – Inpasingked ni Mr. Pepe Damo, maysa a Fish Dealer a saan a lapped ti kinaawan ti diploma tapno magun-od ti arapaap iti panagbiag.
Segun kenkuana, gapu iti kinarigat ti biagda idi ket saan a kinabaelan ti nagannak kenkuana a pagturposen isuna iti panagadal.
Nupay kasta, inbatadna a ti diskartena iti biag ti in-inot a nangbalbaliw iti estado ti panagbiagda babaen ti panagnegosioda ti ikan.
Kunana a saan nga alisto ti panangmanihir ti negosio ngem masapol laeng a buyugan ti anos ken panagkararag iti Dios tapno matungpal dagiti kalikagum iti biag.
Inlawlawagna a saanna a kayat a maramanan dagiti annak ken appokona ti kinarigat iti biag a napadasanna isu a naiget ti pammagbagana kadakuada a ti kuarta ket saan a mapidpidot no di ket aggapu mismo iti leng-et ken bannog.
Innayonna a sakbay ti panagserrekna iti negosio ket napadasanna pay a simrek kas contruction worker ken nagpasada tapno adda ti pangsupusop iti inaldaw-aldaw a kasapulanda.
