LAOAG CITY – Saan a mabalin nga ipawil a magna dagiti truck nga agdagsen ti 10 ribo a kilo agpangato iti Barangay Buttong ditoy ciudad ti Laoag.
Daytoy ti inbatad ni Atty. Jason Perera, ti Sang Panlugsod member ditoy ciudad ti Laoag kalpasan nga inrakurak ni Barangay Chairman Jessie James Bonoan iti nasao a barangay a balbaliw nga ipila na ti ordinansa mainaig iti daytoy a banag kalpasan nga inbasura ti konseho ditoy ciudad.
Segun ken ni Perera, uray isuda iti biang ti konseho ket saanda a mabalin ti mangipasa ti ordinansa para iti pannakaipawil a magna iti kalsada dagiti truck nga agdagsen ti 10 ribo a kilo agpangato.
Inlawlawag na a awan ti otorisasyon da a mangipawil gapu ta nawaya ken karbengan amin a lugan ti magna iti public road.
Inyarig pay ni Perera dagiti truck nga agkarkarga ti gravel ken sand a no bilang adda ti agpatakder ti balay iti nadakamat a barangay ket saandan a makastrek pay gapu ta awan ti pagnaan da.
Mainaig iti daytoy, inpetteng ti konsehal nga amin a Motor Vehicle Owners ket agbaybayad ti Road users tax no sadinno a dagiti maukkon a pondo ket ibunbunong ti Land Transportation Office (LTO) kadagiti amin a Local Government Units (LGUs) para iti maintenance dagiti public road.
