LAOAG CITY – Saan a maibilang a nakurapay ti maysa a pamilya no makagastos ti nasurok a P18.62 iti kada pannangan ti kada miembro na.
Basar iti Philippine Statistics Authority (PSA), ti food threshold para iti maysa a pamilya nga addaan ti lima a miembro idi 2021 ket P8,379, no sadinno a ti gobierno ket saanna nga iklasipikar kas “food poor” no makagastos ti P18.62 per meal.
Kayat na a sawen ket umdas ti nasao a kantidad tapno makagatang ti dua a pedaso a pandesal, maysa a tasa a kape wenno gatas para iti pamigat; maysa a tasa nga inapoy ken nateng wenno 50 grams a karne wenno ikan para iti pangaldaw ken maysa a tasa nga inapoy ket nateng para iti pangrabii.
Inpalgak ti PSA nga idi 2021, 19.99-milyon a Pilipino wenno katukad ti 3.50-milyon a pamilya ti naikonsiderar a nakurapaay kalpasan a ngimmato ti poverty incidence iti 18.1% manipod iti 16.7 percent wenno P17.67-milyon a Pilipino wenno 3-milyon a pamilya idi 2018.
