LAOAG CITY – Inpasingked ni Gov. Matthew Marcos Manotoc a saan a mandatory para kadagiti senior citizen nga agpabakuna ti covid-19 vaccine.
Kuna ni Manotoc a saan a mabalin a piliten dagiti saan a mangayat a mabakunaan.
Nu pay kasta, kalikagumna a mailawlawag kadagitoy ti pagsyaatan ti bakuna kontra kadagitoy.
Immunan a naipakaamo a ti prayoridad a mabakunaan nu bilang adaan ton ti bakuna ditoy probinsya ket dagiti indigent a senior citizen, senior citizen ken frontliners.
Maipalagip pay a nag-order ti gobernador ti 125,000 doses ti covid-19 manipod ti Aztrazeneca nu sadino a manamnama a sumagpet daytoy intuno bolan ti Hulyo agingga iti Disyembre.