LAOAG CITY – Umabot ti nasurok a 23 a barangay manipod iti siyam a munisipyo a pakairamanan ditoy ciudad ti Laoag ti apektado ti African Swine Fever (ASF) virus agingga idi Agosto 31 ita a tawen.
Daytoy ti inbatad ni Doctor Loida Valenzuela, Provincial Veterinarian ditoy probinsya.
Inlawlawag ni Valenzuela nga awan pay ti opisyal a datos da kadagiti barangay ken munisipyo nga apektado ti ASF virus sipud idi Setyembre 1 agpapan ita.
Kuna na a kanayun latta nga adda dagiti maaw-awat da a blood sample dagiti baboy a maipagarop nga apektado ti virus.
Innayon na nga agingga nga awan ti disiplina ti tao ken saan nga agsardeng nga agiyakar-akar kadagiti taraken a baboy ket saan a mapukaw ti ASF virus ditoy probinsya.
Kabayatanna, inpakaammo ni Valenzuela a naamoan da nga adda ti natay a baboy iti Barangay San Antonio iti ili ti Piddig kadagiti naglabas a bolan a saan a nairepreport iti opisina da.
