LAOAG CITY – Saan a masigurado no mano ti eksakto a bilang dagiti nabatbati a terorista idiay Marawi City.
Daytoy ti inpakaammo ni Lt. Col Emmanuel Garcia, commader ti 4th Civil Relations Group ti Western Mindanao Command iti eksklusibo a pannakiuman ti Bombo Radyo Laoag.
Nupay kasta, adda ti tallo a simmuko a terorista a simmuko iti militar.
Inbatad na a no maisalakan dan dagiti sibilyan a kinemmeg dagiti terorista ket maibaga na nga arig na ket nalpasen ti trabaho da.
Kunana a basar ti rekord da ket umaboten ti 753 a terorista dagiti natay, 47 a sibilyan a pinatay dagiti terorista idinto a dagiti armas a narekobre ket 795, dagiti sibilyan a narescue da ket 1, 733 ken ti na-clear a pasdek ti 29.
