LAOAG CITY – Kumpiansa ni Atty. Donato Balderas Jr., Schools Division Superintendent ti Department of Education – Ilocos Norte a saan a naapektaran dagiti naglabas a bagyo a dimmuprak ditoy probinsia iti panagklase dagiti estudiante.
Kunana a daytoy ket kalpasan ti sumurok a dua a lawas a pannakasuspenso ti klase dagiti agad-adal gapu kadagiti naglabas a bagyo.
Inbatadna a sakbay pay a nangrugi ti School Year 2024-2025 ket addan ti insaganada ti Alternative Learning Delivery System no sadinno no bilang masuspenso ti face to face classes ket adda ti ipatungpalda a sabali a wagas babaen iti modular learning wenno online class.
Inlawlawagna a no bilang nakaro ti epekto ti bagyo ti maysa a lugar ket agpada nga isuspensoda ti face to face classes ken ti modular learning wenno online class.
