LAOAG CITY – Inbatad ni Mr. Noel Andres, ti pannakangiwat ti Ilocos Norte Electric Cooperative a saan a naipakaammo iti kooperatiba ti pannakaisukat ti metro a nakaikamangan ti linya ti streetlights nga immunan a nakimat iti maysa a sitio iti Brgy. 19 iti ili ti Sarrat.
Kuna na a daytoy ket basar iti pannakainuman na kadagiti mangimatmaton ti Area 5 nga akin sakop ti nasao nga ili.
Mainaig iti daytoy, inpakaammo ni Andres a ti immuna a nagbalin nga addang ti INEC ket nangipatulod ti lineman iti lugar kalpasan a naireport ti pasamak.
Inbatad na a ti bilin ti lineman ket matarimaan ti linya ken serbisyo ti nakimat a metro.
Nu pay kasta, inpetteng na a naklaat da gapu ta adda ti naisukat a naggapo iti maysa a poste met laeng ti barangay a saan a maus-usar ken isu ti nakairekord ti dakkel a konsumo iti kuryente.
Mainaig iti daytoy, inbatad ni Andres a kalpasan a naamoan ti INEC daytoy ket pinasukatan ni Engr. Aceret ti metro ngem isu laeng nga isu ti konsumo daytoy nu sadino nga iti agpatnag ket umabot iti 49.5 kilowatts ti makonsumo.
Kuna na nga iti pannakaeksamin ti metro ken linya ket naduktalan a grounded daytoy rason a dumakdakkel ti konsumo nu pay saan kanayun a mausar dagiti streetlights.
Gapu iti daytoy, inpakaamo ni Andres a temporaryo a nai- shutdown ti linya ken pagsaritaan ti kooperatiba ken maseknan nga opisyal ti barangay 19 iti ili ti Sarrat ti konsiderasyon iti mabayadan a nakonsumo a kuryente.
Maipalagip nga immunan nga inpakaammo ni Barangay Kagawad John Glenn Duldulan nga akin sakop ti sitio a naapektaran ti nakimat a metro a ti balakad ti INEC idi napan nagreport iti opisina ket mabalin a maipakita pay laeng iti electrician wenno lineman ti barangay ti koneksyon.
Inbatad na a napabayadan pay ti nasurok 20 a ribo a pisos a kalpasan nag inpilit ti kooperatiba.
