LAOAG CITY – Inbatad ni Atty. Brian Corpuz, Dean iti College of Law iti Mariano Marcos State University (MMSU) iti ciudad ti Batac a para kenkuana ket saan a naistilo ti nagbalin a rakurak ni Comelec Commissioner Rowena Guanzon.
Immunan nga inrakurak ni Guanzon a nagbotos para iti pannaka-diskwalipikar ti kandidatura ni dati a senador Bongbong Marcos.
Inlawlawag ni Corpuz nga adda ti ponento nga agsurat iti desisyon a daytoy ket ti 1st Division Body.
Segun ken ni Corpuz, iti 1st Division Body ket tallo da laeng nga agdesisyon no sadinno a no pimmabor ti dua ket mabalin da pay laeng nga ipangato a pagbobotosan dagiti pito a commissioner ti comelec.
Inpetteng ni Corpuz a mangipaay laeng koma ti reaksyon no opisyalen a nairuwar ti desisyon.
