LAOAG CITY – Inpakaammo ni Vice Mayor Windell Chua iti siudad ti Batac a saan a kayat nga ituloy ti adminstrasyon ni Mayor Albert Chua ti annex ti city hall.
Kuna na a daytoy ti rason nu apay nga agpapan ita ket saan pay a nalpas ti nasao a pasdek.
Segun ken ni bise mayor Chua, adda ti nabati nga agarup 20 milyon a pisos a pondo para iti annex ti city hall.
Nu pay kasta, inbunannag na nga iti immunan a nakita ti accounting office ken dadduma a departamento ti city government ket ado ti kurang kas iti structural plan, electric plan ken saan nga agsusurot iti tunggal phase.
Inbatad na a gapu iti daytoy ket kalikagum ti mayor a madalusan ng umuna dagiti problema iti dokumento sakbay a maituloy ti pasdek tapno saan a makabasol
Namunganay ti rakurak ti bise mayor kalpasan a kwinestyunaran ni Sannguniang Panlungsod Member Joel Garcia iti napalabas a session nu apay saan pay a nalpasa dagiti sumagmamano a proyekto iti siudad.
Kabayatanna, ti annex ti city hall iti siudad ti Batac ket narugyan a naipatakder idi admnistrasyon ni dati a mayor Jeffrey Nalupta.
