LAOAG CITY – Patien ni Atty. Neri Javier Colmenares – Presidential Adviser on Human Rights ti Integrated Bar of the Philippines (IBP) dakkel ti agbalin nga epekto ti saan a panagkinnaawatan da Presidente Ferdinand Marcos Jr. ken Vice President Sara Duterte iti imahe ti Pilipinas.
Segun kenkuana, mabalin a mangitunda daytoy iti saan a napintas nga imahe ti pagilian gapu ta saan a sungbatan ni VP Duterte dagiti corruption charges kontra kenkuana.
Kinunana pay a mabalin a makaapektar daytoy partnership ti Pilipinas kadagiti sabali a pagilian.
Malaksid iti daytoy, ninamnama ti abogado a ti press conference ti Bise Presidente ket agserbi a gundaway a sungbatanna dagiti isyu a pakanaiganna iti mapapati a corruption, ngem imbes a sumbatanna dagitoy nga isyu ket arigna nagbalin a story telling ti presscon-na.
