LAOAG CITY – Pinaneknekan ni Ms. Donna Gamazon a saan a tubeng ti saan a panagturpos iti kolehio basta adda ti aparaap a kalikagum a magun-od iti panagbiag.
Inlawlawagna a para kenkuana, saan a ti kuarta ti pangibasaran ti panagballigi ti maysa nga indibidual no di ket agbalin laeng nga inspirasion ti kaadduan ket maysan a balligi iti biag.
Kunana a naragsak isuna a makatulong met kadagiti padana a tao babaen iti panangisuro kadagitoy dagiti wagas ken kapadasanna tapno agnam-ay ti panagbiag.
Inbatadna a masapol a liklikan ti panagsadot tapno ad-adda nga agpursige ken agtungpal dagiti amin nga arapaap.
Innayonna a nasaysayaat no mismo bukud a leng-et ken rigat ti agbalin a puunan iti likudan ti naballigi a panagbiag.
