LAOAG CITY – Inlawalwag ni Mrs. Vilma Eda, ti shools division superintendent ditoy siudad ti Laoag ti rason nu apay nga awan ti pagadalan ditoy siudad a karaman iti listaan ti Depertment of Health a mangisayangkat ti limited face-to-face class.
Kuna na a ti nagibasaran ti DOH kadagiti kwalipikado a pagadalan ket dagiti naipasa a listaan itay napan a tawen nu sadino nga ado pay laeng ti kaso ti covid-19 ditoy siudad iti dayta a panawen.
Nu pay kasta, inbatad na a manarimaan ti pannakaiproseso manen daytoy tapno adda ti mapalubusan a pagadalan ditoy siudad ken nababa metten ti kaso ti covid-19.
Immuna iti daytoy, inpakaammo ni Eda a maysa a kwalipikasyon tapno maipalubos ti pannakaisayangkat ti face-to-face class ket awan ti kaso ti covid-19 iti barangay a nakaiyestablisaran ti pagadalan.
