LAOAG CITY – Inpatalged ni 1st Lt. Johnrey Barum iti Alpha Company, 24th Mildcut Battalion a saan nga armado a grupo dagiti naireport kadakuada iti Brgy. Dariwdiw idiay cuidad ti Batac itay kallabes.
Inlawlawag na a basar ti inyuswat da a validation apaman a naipadanun kadakuada ti report manipud iti maysa a youth leader seknan ti maipagarop a kaada ti agisabsab-it ti banners dagiti maatap a makakatigid a grupo ket nagbalin a negatibo ti resulta na.
Daytoy ket gapu ta natakwatan da a ti maisabsabi-it a bandera ket pro-government ken awan dagiti nakita da nga armado a grupo.
Naamoan nga iti ili ti Vintar ket naireport nga adda ti maysa a grupo dagiti lallaki ngem dagitoy ket saan nga armado a grupo ngem damo laeng a rupa a makitkkita iti nasao a lugar.
Gapu iti daytoy, inbatad ni Barum nga awan ti rumbeng a pagdanagan dagiti kaprobinsyaan gapu ta basar ti inyuswat da a validation ken resulta ti intelligence reports ket natakwatan a dagitoy ket saan a makakatigid a grupo.
