LAOAG CITY – Saan pay a masinunuo dagiti kameng ti Bureau of Fire Protection no siasinno ti nangpoor kadagiti sinako nga irik a nakapondo iti igid ti kalsada iti Sitio Proper iti Brgy. Bubuos iti ili ti Solsona.
Daytoy ti inpakaammo ni Senior Fire Officer 4 Richard Nicolas, municipal fire marshal iti nasao nga ili.
Kuna na a awan pay ti maiyestablisar da a suspek gapu ta naladaw a naireport iti BFP ken Philippine National Police ti insidente.
Segun kenni Nicolas, napasamak ti pannakauram dagiti sinako nga irik iti parbangon ti Martes idinto a naireport iti aldaw ti Miyerkules kas iti palawag ni Magelan Alejo nga akinkukua kadagitoy.
Nupay kasta, nairekord ti nasao nga insidente gapu ta awan ti masinunuo ti biktima a possible a nangpoor kadagiti irik na.
