LAOAG CITY – Maladingitan ni Prof. Karl Lenin Benigno, Political Analyst iti Northwestern University iti nabayag a pannakaipaay ti hustisya kadagiti pimmusay a miembro ti Special Action Force (SAF) wenno fallen SAF 44 idi tawen 2015 idiay Mamasapano Maguindanao.
Segun ken ni Benigno, ti nabayag a pannakaipaay ti hustisya kadagiti SAF 44 ket repleksyon laeng iti justice systme ditoy pagilyan.
Inlawlawag na a ti makitkita na a rason wenno isyu iti nabayag a pannakagun-od ti hustisya iti Mamasapano Massacre ket ti panagkuti ti hustisya, panangidaulo ti PNP nu sadino nga idi napasamak ti insidente ket saan a naurnos ti panangplano da iti naawagan nga operation exodus.
Innayun na saan a maliklikan nga adda iti maris pulitika iti nasao a banag.
Mainaig iti daytoy, kuna ni Benigno a kas political analyst, ad-adda a nabayag ti panagkuti ti maysa a kaso nu awan dagiti umno nga ebidensya wenno nasayaat a pannakaiplastar ti kaso, kurang a judges ken korte pakairamanan ti maipagarup a korapsyon iti justice system.
Immuna iti daytoy, inbunannag ti propesor a saan na a patien ti rakurak ni PNP Chief Debold Sinas a naipaayen ti hustisya iti SAF 44 gapu ta agtultuloy ti pannakaipaay ti suporta kadagiti pamilyada.
Segun ken ni Benigno, maibaga laeng nga adda ti hustisya nu bilang addan ton ti masentensyaan wenno mapatawan ti pannusa nga adda iti likudan ti pannakatay ti SAF 44.
Idi laeng kalman, nalagip ti maikanem nga anibersaryo ti Mamasapano Masaccre wenno ti naawagan a Day of National Remembrance for the 44 Special Action Force (SAF).
