LAOAG CITY – Inpetteng ni Mr. Rommel Pucan, maysa a driver ti traditional Jeepney nga addaan ti ruta a Laoag-Batac-Paoay a saan da a kontraen ti Modernization Program ti gobierno.
Nupay kasta, patien ni Pucan a saan pay nga ita ti panawen tapno maminpinsan nga agbaliw wenno ag-shift da iti modern jeep manipud iti traditional jeepney nangruna ket karigat ti biag gapo iti krisis iti salun-at ken dadduma pay.
Maysa pay a saludsod no Pucan ket no adda ti dagus nga usaren da a modern jeep ken no maaprubaran isuna iti kooperatiba.
Segun kenni Pucan, narigat na a panunuten no kasano da a maisapulan ti 35 a ribo a pisos a binulan a bayadan da, pagkrudo, ken ti agserbi iti pamilya da.
Kunana a mabalin nga agbisin ti pamilya dagiti driver ti traditional jeepney iti daytoy a plano.
Mamati pay daytoy a saan a kabaelan dagiti agdama nga agbibyahe a modern jeep ditoy probinsya a Serbian ti dakkel a bilang dagiti commuters.
Mainaig iti daytoy, kunana a no lumaka ti krudo ken adda ti napintas a programa ti gobierno ket posible a kabaelan dan ton ti mangala ti modern jeep.
Kabayatanna, innayon na a ti babaen iti nasayaat a pannakisarita kadagiti maseknan ti mabalin a wagas tapno mapatgan ti kiddaw da.
