LAOAG CITY – Saan a kumpirmado nga adda dagiti agpisti a manok ditoy probinsya nga Ilocos Norte.
Daytoy ti inpakaammo ni Provincial Veterinarian Doctor Loida Valenzuela.
Sungbat daytoy ni Valenzuela kalpasan a nasaludsod kenkuana pakaseknan dagiti pagtaraknan ti manok ditoy probinsya.
Nupay kasta, ginutigot ni Valenzuela dagiti agtartaraken ti manok a no agsakit dagiti taraken da ipakaammo da ti kaasitgan a veterinary office tapno maaksyunan da.
