LAOAG CITY – Inpetteng ni Ret. Police Chief Master Sgt. Reuby Sagun a saanen nga agbaliw ti palawag na mainaig iti Felipe Murder Case .
Immunan nga inbasura ti korte ti kaso a murder kontra kadagiti naakusaran a pimmatay a da Bernardino Andres Gorgonio kenni Julian Verdadero Tomas Jr..
Inlawlawag na a nakaawat da idi ti pammilin a mangiwayat da ti checkpoint iti siudad ti Batac.
Kuna ni Sagun a ti naibaga kenkuana ket maysa a motorsiklo ti nagluganan dagiti possible a suspek ngem saan a naibaga no anya ti pakabigbigan ti motorsiklo.
Inbatad na a nagatapan da dagiti dua a lallaki a nakalugan ti maysa a motorsiklo kalpasan nga awan ti naipakita da a pakabigbigan da ken adda pay ti nakita na a sugat ti saka ti driver.
Innayon ni Sagun nga inaramid na laeng ti naibilin kenkuana ken ti affidavit ket maibilang laeng nga imbentaryo iti naiwayat a dragnet operation a saan ketdi a panangitudo dagiti naakusaran nga isuda ti suspek.
