LAOAG CITY – Saanen nga ituloy ti gobyerno ti Pilipinas ti mandatory repatriation dagiti OFWs idiay Iran ken Lebanon bayat ti gulo iti Middle East.
Daytoy ti inbatad ni Labor Sec. Silvestre Bello III.
Inlawlawag ni Bello, nga inbaba dan ti level 2 alert idiay Lebanon idinto nga inikkat da alert level iti Iran.
Nupay kasta, binalakadan na ti Philippine Overseas Employment Administration nga isardeng da pay laeng ti prosesso ti deployment application para kadagiti dua a pagilian.
Inbatad ni Bello nga agtultuloy ti mandatory evacuation para kadagiti overseas Filipino workers (OFWs) idiay Iraq, kasta met ti deployment ban iti nasao a pagilian.
Naipatupal idi kalman ti Alert Level 4 iti Iraq gapu ti pannakapapatay ti Iranian military general a ni Qassem Soleimani iti airstrike ti Estados Unidos.
