LAOAG CITY – Inpasingked dagiti aglaklako iti merkado publiko ditoy siudad ti Laoag a saanen a ngumato ti presyo karne ti manok, baboy ken baka dua nga aldaw sakbay ti panangsarabo ti baro a tawen.
Daytoy ket gapu ta nagtalinaed iti 180 a pisos iti kada kilo ti karne ti manok, 230 a pisos iti kada kilo ti karne ti baboy ken 270 a pisos ti kada kilo ti karne ti baka.
Nakadawyan dagiti residente ditoy siudad ti Laoag ti panaggatang da ti maisagana iti media noche iti bisperas ti baro a tawen.
