LAOAG CITY – Saanen nga agbayag ti rinnupak iti nagbaetan ti militar ti Maute-ISIS group idiay Matawi City.
Daytoy ti inbatad ni Lt. Col Emmanuel Garcia, commader ti 4th Civil Relations Group ti Western Mindanao Command.
Segun kenni Garcia, iti sumaruno nga al-aldaw wenno lawas ket mabalin a makubkob dan ti ayan dagiti terorista gapo ta bassit laengen ti panagpuspusipusan dagitoy.
Inpakaammo na nga adda laengen ti nakurang a 10 nga ektarya ti paggar-garawan dagiti nasao a terorista ken atultuloy a bumasbassit.
Inbatad ni Garcia nga agtultuloy ti rehabilitation program babaen ti Taskforce Bangon Marawi partikular iti Brgy. Sagunsungan iti nasao a ciudad.
mainaig iti daytoy, inbatad ni Lt. Col Emmanuel Garcia, nga inmatangan a mismo ni Pres. Rodrigo Duterte ti pannakaipaay ti inisyal a lima nga unit a temporary shelter.
Segun kenni Garcia, maysa daytoy kadagiti ar-aramiden da nga addang tapno makatulong.
Inlawlawag na nga ado met dagiti personalidad, nagduduma a pribado nga ahensya ken pasdek negosyo ti timmulong iti maiyu-uswat a rehabilitasyon ti ciudad.
Mangnamnama ni Garcia nga intono sumaruno a bulan ket maikkan danto aminen dagiti residente ti temporaryo a balay.
Kunana nga umabot ti 15 a temporaryo a balay ti naipatakder babaen ti naiyuswat a “Bahay Kubo Competition”.
