LAOAG CITY – Narekobre ti sabali manen a mapapati a tulang ti tao idiay Taal Lake.
Daytoy ket iti baet ti agtultuloy a panangbiruk kadagiti bangkay dagiti mapukpukaw a mammallot a rumrummuar a naibelleng iti dan-aw nga addan ti sumagmamano a tawenen ti napalabas.
Inbatad ni Atty. Polo Martinez, pannakangiwat ti Department of Justice (DOJ), adda ti maysa a net ken tallo a sako a naala manipud iti dan-aw a naglaon ti tallo a mapapati a tulang ti tao ken nangisit a kurruuy.
In-turnover iti Scene of the Crime Operatives (SOCO) dagiti narekobre a tulang ken agdama nga adda iti babaen ti Regional Forensic Unit team Cavite ken Criminal Investigation and Detection Group (CIDG) Batangas para iti dokumentasion ken nayon nga imbestigasion.
Kabayatanna, manipud idi rinugian ti panangbatuk iti dan-aw iti katengngaan ti Hulio, addan ti ginasgasut a tulangen ti naala pakairamanan ti 57 a baro a nairekord agingga iti napalabas a lawas.
