LAOAG CITY – Inpanamnama ni Mr.Nobol Gilbert de Salvador Nat’l Chairman ti Democratic and Republican Guardians Philippines Inc. a maikkan ti saggaysa a million a pisos dagiti nagaplikar ken nagpirma ti porma seknan ti pannakaipaay ti maysa a million a pisos babaen ti gobyerno.
Kuna ni de Salvador a ti nagibasaran da iti pannakaipaay ti nasao a kantidad ket ti konstitusyon ti pagilian ken aggapu ti nasao a kantidad manipud ti gobyerno.
Inlawlawag na nga inton Pebrero 2 ket agturong amin dagiti nagaplikar idiay Manila tapno alaen da ti pakpakauna a 1 million pesos babaen ti cash card ken agpaot daytoy iti las-od ti 21 a tawen.
Kuna na pay nga addanto ni Pres. Rodrigo Duterte a mangimatang iti pannakaipaay ti nasao a kantidad.
Minaig iti daytoy, agarup 7 a ribo a taga Pasuquion ti rumrumuar a nagpirma iti porma para iti nasoa nga ayuda ken mangnamnama a maipayan kadakuada n ti naxao akantidad.
Malaksid kadagiti taga Pasquin adda pay sabsabali manipud kadagiti ili ti Ilocos Norte a nagaplikar.
