Inbatad ti Philippine Statistics Authority (PSA) a ti kangrunaan a rason ti ipapatay dagiti Pilipino idi napan a tawen ket ti ischemic heart diseases, sumaruno ti neoplasms ken cerebrovascular diseases.
Segun iti nadakamat nga ahensia, nairekord pay ti sakit ti puso kas kangrunaan a pakaigapuan ti ipapatay idi 2022.
Mainaig iti daytoy, dagiti ischemic heart diseases ket mapasamak no kumapuy ti puso gapu iti bimmassit a panagayus ti dara iti puso ken kangrunaan a pakaigapuan ti ipapatay nga addaan iti 107,767 a kaso wenno 19 percent iti dagup a natay iti pagilian.
Inbatad daytoy a ti neoplasm ket abnormal a panagdakkel dagiti kanser wenno saan a cancerous wenno noncancerous mass ti maikadua a rason ti ipapatay nga addaan iti 60,906 wenno 10.7 a porsiento.
Kabayatanna, kuna ti Philippine Statistics Authority a ti ipapatay gapu iti diabetes mellitus nga addaan ti 36,039 a kaso wenno 6.3 percent ket su ti maikapat ken maikalima met ti pulmonia nga addaan ti kaso a 34,507 wenno 6.1 percent.
