LAOAG CITY – Inlawlawag ni Doctor Alan Taylan a no saan a napintas ti panagaramid ti bone marrow ti maysa a tao ti nalabbaga ken puraw a dara, nababa hemoglobin, nababa ti platelet ken dadduma pay ket mangitunda ti sakit nga aplasta anemia ti maseknan.
Segun ken ni Doctor Taylan, dagiti sumagmamano a sintomas ti nasao a sakit ket alisto mabannog, napaspas ti pitik ti puso, nakusnaw ti kudil, aglitlitem ti bagi, agdaringungo, saan nga agsarsardeng a panagulaw, sakit ti ulo, gurigor ken panag-rashes.
Kuna na a no ti naturalesa ti bagi ket tiraen na ti stem cells ti bone marrow ti maysa a tao ket isu ti pakaalaan ti aplastic anemia.
Malaksid iti daytoy, dakkel pay ti posibilidad na a maaddaan ti nasao a sakit dagiti dumaldalan ti Chemotherapy ken radiation therapy gapu ta saan laeng a dagiti cancer cells ti patayen na no di ket uray dagiti healthy cells.
Innayon ni Doctor Taylan nga uray dagiti toxic chemicals kas koma no exposed ti pesticide ken insecticide ket mangitunda ti sakit nga aplastic anemia. Inpakaammo ni Taylan a maagasan ti aplastic anemia babaen iti blood transfusion ken ti stem cell transplant
