LAOAG CITY – Inlawlawag ni Doctor Sachi Yumol, endocrinologist iti Mariano Marcos Memorial Hospital and Medical Center iti ciudad ti Batac a ti rason no apay nga agpasar ti hypothyroidism ket gapu ta bassit wenno kurang ti hormone nga ar-aramiden ti bagi.
Inbatad na nga do ti klase ti hormone iti bagi ngem ti maibilang a major hormone ket ti maaw-awagan ti thyroid gland nga adda iti tengnged.
Kuna na a no sobra ti maaramid nga hormone ti thyroid gland ket makuna nga hyperthyroidism ngem no nakurang ket makuna met nga hypothyroidism.
Segun ken ni Doctora Yumol, ti usar ti thyroid gland ket mangkontrol iti metabolism, tibok ti puso, temperatura ti bagi, panaggaraw ti bituka, panagpanunot, ken maapektaran amin a sistema ti bagi.
Inpakaammo na a karaman kadagiti sintomas a narikna dagiti nagbalin a pasyente da nga addaan ti sakit nga hypothyroidism ket alisto a mabannog, alisto a lumukmeg, arigna kanayun a malamlammin, agmaga ti kudil, agibbal, ken dadduma pay.
Inbalakad na a no makarikna kadagiti sintomas ti nasao a sakit ket masapol a mapan agpakita a dagus iti doktor gapu ta no nakaro unayen ket mabalin a ma-comatose ti pasyente.
Innayon na a maamoan ti nasao a sakit babaen ti idadalan kadagiti nagduduma a laboratory.
