LAOAG CITY – Saan pay laeng nga akseptaran ti probinsya nga Ilocos Norte ti Saliva testing kas alternatibo a test kadagiti pasyente ti Covid-19.
Daytoy ti inbatad ni Governor Matthew Marcos Manotoc kabayatan ti naiyuswat a press conference iti kapitolyo probinsyal.
Kuna ni Manotoc a ti rason daytoy ket gapu ta saan pay nga inaprubaran ti Research Institute for Tropical Medicine para iti nasao a test.
Immuna iti daytoy, inpakaamo ti gobernador nga adda ti pannakisarita kenkuana ti biang ti PRC-Ilocos Norte Chapter nu sadino a naiyuman a kalikagumda a makikadwa iti PGIN para iti daytoy a banag.
Maipalagip nga agakseptaran ti PRC-Ilocos Norte kadagiti agkalikagum a dumalan ti saliva testing.
Naamoan a nalaklaka ti bayad daytoy a 2,000 a pisos nu maikumpara kadagiti dadduma a test.
