Naduktalan a ti 94.7 a porsiyento ti Salmonella bacteria a nabirukan kadagiti manok a mailaklako kadagiti merkado ken supermarket iti Metro Manila ket resistant iti saan a nababbaba iti maysa a klase ti antibiotic, idinto a nasurok a ¾ dagitoy ket multidrug-resistant.
Daytoy ket basar iti panagadal ti Department of Science and Technology-Food and Nutrition Research Institute (DOST-FNRI).
Iti panagadal, tiningiting dagiti agsuksukisok ti 76 a Salmonella isolates manipod iti karne ti broiler chicken.
Rimuar iti resulta a 76.3 a porsiyento kadagiti sample ket multidrug-resistant, wenno resistant iti tallo wenno nasursurok pay a klase ti antibacterial agents.
Kangatoan ti resistance iti ampicillin nga addaan ti 77.6 porsiyento, sumaruno ti streptomycin nga addaan ti 73.7 porsiyento, nalidixic acid nga addaan ti 68.4 porsiyento, ken cefotaxime nga addaan ti 67.1 porsiyento.
Ti Salmonella ket mabalin a mangitunda ti gastroenteritis ken iti sumagmamano a kaso, a dagitoy ket nakarkaro ngem impeksiyon a narigrigat nga agasan gapu ta saanen a sumamay dagiti agas.
