LAOAG CITY – Kinumpirmaran ti aktor a ni Sam Milby a nagsinadan ti nobiana a ni Catriona Gray.

Inbatad ti aktor nga agarup maysa a tawen a nagsinadan ti Miss Universe 2018.

Nagbalin nga engaged ti dua idi 2023 ngem iti napalabas a tawen ket naripar dagiti fans-da nga inikkat ni Catriona iti online account-na ti napasamak nga engagement.

Inlawlawag ti aktor a nagbalin latta nga agpagayamda ngem saandan nga agkadkadua.

Saanna met a dinakamat ti rason wenno ania ti ramot ti panagsinada.

Kunana a nagbalin a pribado ti relasionda isu a saanda nga insigida nga inpakaammo daytoy a banag kadagiti fans-da.

Naudi a nakita nga agkadua ti dua idi concert ni TJ Moterde no sadinno nga aginnadayo ti pagtugawanda ken nagbalin nga emosional ni Cat.