LAOAG CITY – Inruaren ti Samahang Basketbol ng Pilipinas (SBP) ti 13 a nagan ti Gilas Pilipinas a sumabak iti 2nd Doha International Cup.
Indauloan daytoy ni eight-time Most Valuable Player June Mar Fajardo, Troy Rosario, Mason Amos, Calvin Oftana, CJ Perez, Jamie Malonzo, Scottie Thompson, Chris Newsome, Kevin Quiambao, Carl Tamayo, Dwight Ramos, AJ Edu ken naturalized player Justin Brownlee.
Maysa a dakkel a tulbek iti Gilas ti presensia da Edu ken Rosario gapu iti kinaawan ni Kai Sotto a nagsagaba ti ACL injury.
Naammoan a ti friendly game idiay Qatar ket kas panagsagsagana ti Gilas para iti final window ti FIBA Asia Cup Qualifiers inton sumaruno a lawas.
