LAOAG CITY – Dakkel a pakaidayawan ti sibubukel nga Ilocos Norte ti pannakapili ti Samiweng Singers tapno isuda ti mangkanta ti National Anthem iti umuna nga State of the Nation Address (SONA) ni Presidente Ferdinand “Bongbong” Marcos Jr. intono Lunes, Hulyo 25.
Daytoy ti inbatad ni Principal Jerry Valdez Careon iti Ilocos Norte National High School (INNHS) ditoy ciudad ti Laoag.
Segun ken ni Careon, saan da a ninamnama a dagiti Samiweng Singers manipod iti nasao a pagadalan ti mapili a mangkanta ti Lupang Hinirang iti SONA ni Presidente Marcos.
Innayon na a kas ama iti nasao a pagadalan ket saanna a madaeran ti kinaragsak na iti pannakapili dagiti estudyante da a makipagpaset iti naindaklan a programa ditoy pagilyan.
