LAOAG CITY – Kinumpirmaran ni Mayor Alfredo “Boying” Valdez iti ili ti San Nicolas a dua a kailyan da ti nagpositibo iti covid-19.
Segun kenni Valdez, maysa kadagiti nagpositibo iti sakit ket doktor iti Mariano Marcos Memorial Hospital and Medical Center iti ciudad ti Batac.
Patyen met ni Mayor Valdez a ti virus ket naala ti maseknan iti trabaho na ken asymptomatic dagiti dua a covid-19 positive.
Mainaig iti daytoy, kayat ti mayor a rekognisaren ti kinatured ken kinaanos dagiti frontliners nangruna dagiti doctors, nurses ken dadduma pay a health care workers gapo ta dagitoy ti mangbanbantay iti salun-at dagiti tattao nangruna ita a panawen ti pandemya.
